Årsmelding Etne Sogelag 2019

Årsmøte 2019 vart halde i storsalen på Skakke kulturhus 12. februar.Leiar Aslaug Olden Mala ønskte velkommen til 50 frammøtte medlemmer og andreinteresserte. Etter at årsmøtesakene var opplesne og vedtatt, var det allsongtil trekkspelmusikk ved Haldor Hjelmervik. Etter matøkt og drøs rundt borda,var det kåseri ved Terje Hermansen. Han presenterte utkast til mannsbunad fråEtne og fortalde om oppveksten ved Etnesjøen på slutten av -50-talet.

Arbeid i Styret Styret har hatt seks styremøte. I samband med at EtneSogelag var vertskap for årsmøtet til Hordaland Sogelag 2019, blei det littekstra møteverksemd. Styret pluss Forteljargruppa, har hatt møte medrepresentantar frå Sunnhordland museum ved direktør Linda Øen ogmuseumsrådgivar Trine Kyvik. Museet ønsker nærare samarbeid med sogelagetgjennom bruk og aktivitetar på Sæbøtunet. Edvar Tjelmeland er positiv til åavgi grunn til ny parkeringsplass. Anten ved sal eller leige. Direktør Linda Øenskal kontakta Etne kommune og få fortgang i saka. Sogelaget fekk midlar fråEtne E-lagsfond til kjøp av ny flaggstong og flagg på Sæbøtunet.

Årsmøte Hordaland Sogelag 2019 Etne Sogelag var vertskapfor Hordaland Sogelag sitt årsmøte

02-03. mars 2019. Utsendingar frå Etne var Jakob Eskeland,Aslaug Olden Mala og Anne-Britt Grindheim. Styret deltok på det lokalhistoriskeprogrammet og middagen. Opning av lokalhistoriske dagar i Etne, tok leiar iEtne Sogelag og ordførar Siri Klokkerstuen seg av under lunsjen på Fugl FønixHotel. Etne Sogelag tok deretter utsendingane med på busstur rundt i kommunen.Første stopp var Stødle kyrkje der Ingvor Gundegjerde var forteljar og omvisar.Einride Aakra guida oss vidare oppover Sørbygda og vidare til Åkrafjorden. Derventa Lars L. Lundal, som viste rundt og fortalde om den gamle skulestova påMarkhus. Deretter var det ein matbit på Åkrafjordtunet og filmframsyning ogforteljing om historien langs begge sider av Åkrafjorden. Under festmiddagen påFugl Fønix Hotel om kvelden, framførde Steinar Aalvik og Jimmy NæsEtne-forfattar Ingvar Moe Sine dikt i ord og tonar. Festleiar Terje Hermansenhadde kledd seg opp i den nye mannsbunaden frå Etne, samstundes som hanpresenterte modellar av kvinne- og gutebunaden frå Etne. Sjølve Årsmøtetføregjekk søndagen i Kålhagen på Auastad i Gamlastovo til Leif og BjørgHalleland. Gamle tømmervegger og god bevertning, gjorde stunda til ei historiskog minnerik oppleving. Dei rundt 30 deltakerane på

Årsmøtet var stornøgde med opphaldet i Etne, som bleiavslutta med omvising i lokala til kunstnaren Jan Terje Rafdal.

Kulturnatt På Kulturnatt siste lørdagen i januar,presenterte Etne Sogelag, i samarbeid med Etne Husflidslag, forslag tilmannsbunad frå Etne. Litlesalen var fullsett og det var tydeleg at publikumlika det dei såg. Bunaden til Terje Hermansen blei seinare stilt ut i EtneSparebank, der publikum fekk komma med innspel. Mannsbunaden har si historiefrå Etne, med utgangspunkt i det som er blitt registrert tidlegare. Målet er åfå registrert mannsbunaden frå Etne ved Norsk institutt for bunader og folkedrakterpå Fagernes. Nokre små detaljar med selane gjenstår før ein endeleg er i mål.Bunadsnemnda har vore samansett av Eli Aga, Dag Silde, Ellen Tesdal, Anne-BrittGrindheim og Terje Hermansen.

Stølsdrift I samarbeid med lokale kjelder, har Reidar Berge utførd eitstort arbeid med å samla inn kunnskap om stølsdrift i gamle Etne kommune. EtneSogelag har nå fått overlevert manus, pluss foto og illustrasjonar. Arbeidetvidare er å få finansiert trykking og utgiving av ei skriftbok om stølsdrift.

Sommarfest på Sæbøtunet Lørdag 27. juli laga sogelaget, saman medfamilien, til fest for 103 år gamle Anne Marie Moland frå Telemark. Som densiste budeia på Sæbøtunet, kom ho dit som ung jente i 1938. Søster hennar,Signe Tjelmeland og mannen Edvar, budde på Sæbøtunet før dei selde tilSunnhordland Museum og flytta i nye hus på Sæbø-garden. 103-åringen fortaldefrå då ho arbeidde på Sæbøtunet og seinare som budeie i Telemark. Kan opplysaat ho feira 104 år nyttårsaftan og er framleis i full vigør!

Etnemarknaden Tema på sogelaget sin stand på Etnemarknaden,02. -04. august, var stølsdrift. Standen var dekorert med foto og gamlebruksting, som viste litt frå stølslivet i Etne. Som vanleg skifta bådeårbøker, dikt av Ingvar Moe og Olav Vik med fleire, eigar. Ein god drøs ogverving av nye medlemmer høyrde og med.

Fjordcruise på Åkrafjorden Torsdag 19. september invitertesogelaget medlemmer og andre til Fjordcruise på Åkrafjorden. Turen gjekk medein fullasta båt frå Eljarvik Gard til Åkra i Kvinnherad. På turen fortaldekjentfolk om stad og folk som budde og livberga seg langs fjorden i tidlegaretider. Framme på Åkra blei det servert Bonde-lunsj i Løa. Eigaren TrygveØvstebø informerte om staden, og demonstrerte øksing så flisene fauk! Turenblei avslutta med stopp og guiding i Åkra kyrkje før kaptein Knut Grindheim,etter ein våt stopp under Langfoss, losa oss trygt tilbake til Eljarvik.

Rådsmøte i Rogaland Historielag Rogaland Historielaginviterte 22. oktober Etne Sogelag til rådsmøte i Imsland. Det lokale sogelagetfor Sandeid, Vikedal og Imsland var vertskap. Etter ei

omvising i den gamle krambua påkaien, var det samling i bedehuset. Aslaug Olden Mala og AnneBritt Grindheimmøtte for Etne Sogelag. Både det lokale sogelaget og Rogaland historielag,peika på

mange saker me kunne samarbeidaom over fylkesgrensa. Me blei samde om å halda kontakt med kvarandre.

Førjulsmøte Sogelaget inviterte til førjulsmøte på Skakke10. desember, mellom anna for å dela ut og presentera årboka for 2019. Diverrevar ikkje boka klar, noko me i styret sa oss svært leie for. Men redaktør iskriftnemnda, Jostein Osnes, presenterte og fortalde litt om innhaldet i boka.Etter matøkt med julagraut og kaffi, allsong med musikk ved Kjell Saltnes, bleikvelden avslutta med utlodding.

For å bøta på skaden, delte sogelaget utårbøker på løpande band på Etne Senter veka før jul. På kjøpet fekk me slå avein prat med mange hyggelege medlemmer og andre. Og på toppen fekk med over 20nye medlemmer! Det var eit svært vellykka tiltak som me vil gjenta seinare år.

Styret i Etne Sogelag 2019

Aslaug Olden Mala Leiar

Jakob Eskeland Nestleiar

Ole Mæhle Kasserar

Anne-Britt Grindheim Sekretær

Ole Ragnar Gundegjerde Styremedlem

Liv Tesdal Mjelde Varamedlem